1947 मध्ये भारताला स्वातंत्र्य मिळाल्यानंतर नोटांवर ब्रिटनच्या राजाऐवजी महात्मा गांधींचे चित्र छापले जाईल, असे मानले जात होते. त्यासाठी डिझाइन्सही तयार करण्यात आल्या होत्या. पण शेवटी चलनी नोटेवर महात्मा गांधींच्या चित्राऐवजी अशोकस्तंभ छापण्यात यावेत यावर एकमत झाले. स्वातंत्र्याच्या 22 वर्षांनंतर, महात्मा गांधींचे चित्र भारतीय नोटांवर म्हणजेच कागदावर छापलेले भारतीय चलन दिसले.
सध्या नोटांवर गांधीजींची प्रतिमा छापलेली आहे. पण भारतातील चलनी नोटांवर ज्यांचे चित्र दिसले ते एकमेव गांधी नाहीत. या नोटांवर अनेक व्यक्तिमत्त्वांची छायाचित्रे आली आहेत. दरम्यान, रिझर्व्ह बँक ऑफ इंडियाची स्थापना 1935 मध्ये भारतात झाली. याआधी आणि स्वातंत्र्य मिळेपर्यंत रिझर्व्ह बँक ऑफ इंडिया भारतातील सर्व मूल्यांच्या नोटा छापत असे, ज्यावर ब्रिटनचे किंग जॉर्ज यांचे चित्र होते.
स्वातंत्र्यानंतर पहिल्यांदा भारताने 1949 मध्ये नोटांची छपाई सुरू केली तेव्हा त्यावरून किंग जॉर्जचा फोटो काढून टाकण्यात आला. त्याच्या जागी अशोक स्तंभाचा समावेश करण्यात आला. तसेच 1917 पर्यंत भारतातील अनेक संस्थानं कागदावर आपलं चलन छापत होत्या. हैदराबादच्या निजामाला स्वतःच्या नोटा छापण्याचा अधिकार होता. तसाच अधिकार कच्छ संस्थानातही होत होता.
तसेच भारताच्या स्वातंत्र्याच्या वेळी आणि त्यानंतरही गोवा पोर्तुगालच्या ताब्यात होता. त्यावेळी गोव्यात पोर्तुगाल इंडियाच्या नावाने नोटा छापल्या जात होत्या. ज्यांना एस्कुडो म्हणत. त्यावर पोर्तुगालचा राजा जॉर्ज दुसरा याचे चित्र होते. पुद्दुचेरी ही 1954 पर्यंत फ्रान्सची वसाहत होती. तिथे छापलेल्या नोटांवर फ्रान्सच्या राजाचे चित्र होते. मात्र त्यानंतरही पुद्दुचेरी 8 वर्षे स्वायत्त होते. 1964 नंतर येथे पूर्णपणे भारतीय नोटांचे चलन सुरू झाले. फ्रेंच सरकारने पुद्दुचेरीमध्ये जारी केलेल्या नोटांना रुपयेही म्हटले जात असे.
