मला शेअर मार्केट बद्दल काहीच माहित नाही. कुठून सुरुवात करू? माझ्याकडे पैसे नाही, पण मला शेअर मार्केट शिकायचे आहे. काय करू? मी शेअर मार्केट मधून खरचं रोज पैसे कमवू शकतो का? शेअर मार्केट जुगार आहे का? हे खर आहे का? मित्रांनो अशा अनेक प्रश्नांची उत्तरे आपण आज बघणार आहोत.
शेअर मार्केट मध्ये खरंच रोज पैसे कमावता येतात का?: हो, तुम्ही खरच शेअर मार्केट मधून रोज पैसे कमवू शकता. अनेक लोक शेअरमार्केट मधून रोज पैसे कमवत आहेत,पण कधी? खाली दिलेल्या पाच मुद्द्यांची जर तुम्ही तंतोतंत पालन केले तर, नवीन लोकांसाठी हि माहिती खूपच फायदेशीर होणार आहे.
शिवाय अनुभवी लोकांना आपण आतापर्यंत कुठे चुकत होतो हे सुद्धा समजणार आहे. कारण हे पाच मुद्दे शेअर मार्केटमध्ये तज्ञ असणाऱ्या सर्व लोकांशी बोलून बनवले आहे. त्यामुळे एकही मुद्दा चुकवु नका.
१)शेअर मार्केटचे सखोल ज्ञान संपादन करणे: साधा विचार करा, 20 हजाराची नोकरी करण्याकरिता आपल्याला पंधरा वर्षं ज्ञानसंपादन करावे लागते. पंधरा वर्षे अभ्यास करावा लागतो, तेव्हा कुठे आपल्याला वीस हजाराची नोकरी मिळते. मग शेअर मार्केटमध्ये काहीही ज्ञान न घेता आपण कसे पैसे कमवू शकतो?
90% लोक ज्यांचे शेअर मार्केटमध्ये नुकसान होते याचे कारण म्हणजे हे लोक कोणतेही ज्ञान न घेता घाईगडबडीने शेअर मार्केटमध्ये पैसे कमवण्याचे प्रयत्न करतात आणि जेव्हा त्यांचे नुकसान होते तेव्हा ती इतर लोकांना सांगतात की शेअर मार्केट म्हणजे जुगार आहे.
त्यामुळे पहिल्यांदा ही गोष्ट समजून घ्या की शेअर मार्केट जुगार आहे ते त्या लोकांसाठी ज्यांना कोणतेही ज्ञान न घेता शेअर मार्केट मधून पैसे कमवायचे आहेत. शेअर मार्केट चे जादूगार वारन बफेट रोज ६ ते ८ तास वाचन करायचे. ज्ञान संपादन करायचेत, त्यांचा सखोल अभ्यास होता,
म्हणून ते आज जगात श्रीमंत व्यक्तीपैकी एक आहेत म्हणून कोणतही ज्ञान न घेता तुम्ही जर शेअर मार्केट मध्ये जाण्याचा प्रयत्न करत असाल तर तुम्ही तुमच्या हाताने तुमचे नुकसान करून घेत आहात हे लक्षात ठेवा. आता तुम्हाला नक्कीच प्रश्न पडला असेल की शेअर मार्केट बद्दल ज्ञान घ्यायचे म्हणजे नक्की सुरुवात करायची कुठून?
तर, शेअरमार्केट बद्दल जर ज्ञान मिळवायचे असेल तर सर्वात पहिले आपल्याला शेअर मार्केटचा Index बद्दल माहिती असायला हवी. शेअर मार्केट मध्ये दोन Index आहेत. Sensex आणि Nifty. Sensex मध्ये तीस कंपन्या असतात त्यांची पूर्ण माहिती घ्या व Nifty मध्ये पन्नास कंपन्या आहेत त्यांचे सुद्धा माहिती घ्या.
त्या माहितीमध्ये buy and sell, stop loss, Target, longer term, short term अशा अनेक विषयांची सखोल माहिती घ्यावी. अभ्यास करा. या सर्व गोष्टींचा सखोल अभ्यास करून मगच तुम्ही शेअर मार्केटमध्ये उतरा.
2)कुठल्याही फुकट मिळणाऱ्या टिप्स किंवा जाहिरातीवर विश्वास ठेवू नका: जेव्हा तुम्ही शेअर मार्केटमध्ये उतरता, तेव्हा तुम्हाला अनेक लोक टिप्स देतात, तुम्हाला बरेच जण कोणता शेअर विकत घ्यावा यासाठी सल्ले द्यायला तयार असतात. खरंच विचार करण्यासारखी गोष्ट आहे की,
एखाद्याला जर गुंतवणुकीचे कॉल काढता येत असेल तर तो दुसऱ्याला सांगण्याआधी स्वतः गुंतवणूक करून श्रीमंत नाही का होणार? अशा लोकांचा उद्देश हा तुमच्याकडून पैसे उकळण्याचा आहे हे लक्षात घ्या. सुरुवातीला तुम्हाला मोफत कॉल देतात व मग तुमच्याकडून पैसे काढून घेतात अशा मोफत व निरर्थक मिळणाऱ्या सल्यांना अजिबात बळी पडू नका.
पण तुम्हाला वाटतं एखादी व्यक्ती शेअर मार्केट मध्ये भरपूर दिवसापासून आहे .त्याला सर्व प्रकारचे गुंतवणुकीचे कॉल ही माहिती आहे. तर अशा व्यक्तीने तुम्हाला दिलेले कॉल तुम्ही एक दोन महिने पेपर ट्रेडिंग करून बघा. पेपर ट्रेडिंगचे कॉल 80 टक्के यशस्वी झाले तर त्याचे कॉल स्वीकारायला हरकत नाही.
3)तुम्हाला शेअर मार्केट मध्ये काय बनायचे आहे? इन्वेस्टर की ट्रेडर्स? हे आधी ठरवा: मित्रांनो, शेअर मार्केटमध्ये लोक दोन प्रकारची कामे करतात. एक म्हणजे इन्वेस्टर आणि दोन म्हणजे ट्रेडर्स. इन्वेस्टर म्हणजे जे लोक दीर्घ कालावधीसाठी शेअर विकत घेतात. कारण त्यांचा उद्देश हाच असतो की त्यांना आपला गुंतवणूकीवर भरपूर पैसे कमवायचे असतात.
आपल्या गुंतवणुकीवर आपल्याला काही वर्षांनी चांगले रिटर्न्स मिळाले पाहिजे हाच त्यांचा उद्देश असतो म्हणजे बँक मध्ये एफडी किंवा इतर कुठल्याही ठिकाणी पैसे गुंतवण्यापेक्षा जर चांगल्या शेअरमध्ये पैसे गुंतवले तर त्याचे रिटर्न्स या सर्वांपेक्षा कितीतरी जास्त असतात.
दुसऱ्या प्रकारचे लोक ट्रेडर्स असतात. ते फार कमी कालावधीसाठी म्हणजे एक महिना, एक आठवडा, किंवा एका दिवसासाठी तेे शेअर मध्ये पैसे गुंतवतात. तुम्ही ट्रेडिंगमध्ये मार्जिन चा वापर करून कमी पैशांमध्ये जास्त शेअर्स विकत घेऊ शकता. इन्वेस्टमेंट मध्ये तुम्हाला जास्त पैसे द्यावे लागतात.
पण ट्रेडिंग मध्ये तुम्हाला खूप काळजी घ्यावी लागते. शेअर मार्केटमध्ये मोठे मोठे तज्ञ सांगतात की शेअर मार्केटमध्ये सुरुवात करताना ती इन्वेस्टमेंट पासूनच करायला पाहिजे. इन्वेस्टमेंट मध्ये तुम्ही पूर्ण पैसे देऊन शेअर विकत घेऊ शकता व तुम्हाला हवे तितक्या कालावधीसाठी ते शेअर तुमच्याकडे तुम्ही ठेवू शकता.
इन्वेस्टमेंट मध्ये चांगला अनुभव आल्यानंतर तुम्ही short term ट्रेनिंग करू शकता. त्यामध्ये तुम्ही positional or swing ट्रेनिंग करू शकता. या ट्रेनिंगचा कालावधी एक महिना किंवा एक आठवड्यापर्यंत असतो. वरील सर्व गोष्टींचा अनुभव आल्यानंतर इंटरनल ट्रेडिंग करायचं व त्याचा कालावधी हा फक्त एका दिवसाचा असतो.
मित्रांनो, बरेच लोक सुरुवात internal ट्रेडिंग पासून करतात. जी गोष्ट सर्वात शेवटी करायची त्याच गोष्टी पासून जर तुम्ही सुरुवात कराल तर कसे होईल? शेअर मार्केट मध्ये अनुभवी लोक काय सांगतात, या बद्दल ही माहिती दिली आहे. आता तुम्ही ठरवा की तुम्हाला इन्वेस्टर म्हणून काम करायचे आहे की ट्रेडर बनायचे आहे.
४)पेपर ट्रेडिंग: मित्रांनो, तुम्ही जर ट्रेडर म्हणून काम करायचा विचार करत असाल तर तुम्हाला पेपर ट्रेडिंग करणे अनिवार्य आहे. पेपर ट्रेडिंग म्हणजे तुम्ही शोधलेल्या कंपन्या रोज लिहून काढणे व त्यांचे उद्दिष्ट सुद्धा रोज लिहून काढणे. आणि दिवसाच्या शेवटी बघणे की तुम्ही लावलेले किती उद्दिष्ट साध्य होतात.
जेव्हा तुम्ही काढलेले अंदाज हे 80 टक्के च्या वर जाते म्हणजेच तुम्ही काढलेल्या कंपन्यांचे उद्दिष्ट जेव्हा ८० टक्के साध्य होते तेव्हा तुम्ही शेअर मार्केट मध्ये ट्रेडिंग करण्यासाठी तयार झाला आहात असे समजावे. अनुभवी लोक सांगतात, सुरुवातीला तुम्ही दोन ते तीन महिने पेपर ट्रेडिंग केली पाहिजे व सलग एक महिना तुमचे टार्गेट हे 80 टक्केच्या वर असले पाहिजे.
तरच तुम्ही शेअर मार्केटमध्ये ट्रेडर्स म्हणून उतरा. काही लोक आणखी एक पद्धत वापरतात. ती म्हणजे पहिले एक किंवा दोन महिने एक किंवा दोन शेअर्स ते विकत घेतात आणि ते विकतात आणि ते तपासून बघतात की आपला किती नफा होतोय आणि आपला तोटा किती होतोय.
एक किंवा दोन शेअर्स असल्यामुळे तोटा जास्त होत नाही आणि तुम्हाला खऱ्या मार्केटचा अनुभव मिळतो आणि इथे सुद्धा 80 टक्‍क्‍यांच्या वर तुमचे कॉल हिट व्हायला सुरुवात झाली की नंतर शेअर ची संख्या हळूहळू वाढवायची. मित्रांनो, शेअरची खरेदी-विक्री करण्यासाठी डिमॅट अकाउंटची गरज लागते. बरेच जण अँजेल डिमॅट अकाउंट वापरतात. इथे इन्वेस्टमेंट म्हणजेच डिलिव्हरी चार्जेस फ्री आहे. तुम्ही सुद्धा तुमचे अकाउंट येथे उघडू शकता.
5)संयम पाळणे: मित्रांनो, हा सर्वात शेवटचा मुद्दा असला तरी सर्वात महत्त्वाचा मुद्दा आहे. 95% लोक शेअर मार्केट मध्ये येतातच ह्या हेतूने की, मी इथे आल्यावर झटपट श्रीमंत होईल. मला येथे लवकर पैसे मिळाले पाहिजे आणि या झटपट पैसे मिळवण्याच्या नादात तोच त्यांचे खूप मोठे नुकसान होते.
तुमच्या मध्ये सुद्धा संयम ठेवायची वृत्ती नसेल तर तुमच्यासाठी शेअर मार्केट नाही कारण शेअर मार्केट मध्ये खूप संयम ठेवावा लागतो. जसे आपण शाळेत असताना आपल्याला वेगवेगळे विषय होते. जशी इतिहास, भूगोल, गणित तसेच शेअर मार्केट सुद्धा एक मोठा विषय आहे.
त्याचा चांगला अभ्यास करून मगच नफा कमावणे या गोष्टीला चांगला संयम लागतो. मित्रांनो, हे होते ते शेअर मार्केट बद्दल चे पाच महत्त्वाचे मुद्दे ते जर तुम्ही व्यवस्थित अमंलात आणले तर तुम्ही शेअर मार्केटमध्ये नक्कीच यशस्वी होऊ शकता. फक्त संयम पाळा.
सदर लेख अथवा लेखातील कुठल्याही भागाचे छापील, इलेक्ट्रॉनिक माध्यमात परवानगीशिवाय पुनर्मुद्रण किंवा कुठल्याही सोशल मीडियात कॉपी-पेस्ट करून पुनर्लेखन करण्यास सक्त मनाई आहे. याचे उल्लंघन केल्याचे आढळल्यास कायदेशीर कारवाई करण्यात येईल. लेख आपल्या मित्र, मैत्रिणींना पाठवण्यासाठी उपलब्ध पर्यायांचा वापर करून जरूर शेअर करा.
